Ֆրանսիայի Ազգային ժողովը մերժել է Ասանժին ապաստան տրամադրելու բանաձևը
1 րոպեի ընթերցում
![Ֆրանսիայի Ազգային ժողովը մերժել է Ասանժին ապաստան տրամադրելու բանաձևը](http://armenpress.am/resized/480/static/news/b/2022/02/1074794.jpg)
ԵՐԵՎԱՆ, 5 ՓԵՏՐՎԱՐԻ, ԱՐՄԵՆՊՐԵՍ: Ֆրանսիայի Ազգային ժողովը մերժել է բանաձևը, որով կոչ էր արվում կառավարությանը քաղաքական ապաստան տրամադրել WikiLeaks -ի հիմնադիր Ջուլիան Ասանժին: Ինչպես հաղորդում է «Արմենպրես»-ը, այս մասին հայտնում է ՏԱՍՍ-ը:
Բանաձևի հեղինակների կարծիքով՝ «Ասանժի հանցանքն այն է, որ նա ճշմարտությունն է հայտնել, զբաղվել է լրագրությամբ»: «Հիմա ավելին, քան երբևէ Ֆրանսիան պետք է ապաստան տրամադրի Ասանժին»,- ասվում է ներկայացված փաստաթղթում:
Նախագծի ևս մեկ դրույթով կոչ էր արվում դյուրացնել ապաստան տրամադրելու գործընթացը նմանօրինակ գործունեությամբ զբաղվող անձանց համար: