Սիրիա Է ժամանել ռուսաստանյան վեց ռազմանավերից բաղկացած ջոկատը

ԵՐԵՎԱՆ, 4 ՓԵՏՐՎԱՐԻ, ԱՐՄԵՆՊՐԵՍ: Հյուսիսային եւ Բալթյան նավատորմերի վեց մեծ դեսանտային նավեր են ժամանել սիրիական Տարտուսի ռուսաստանյան ռազմածովային նավատորմի կայան: Այդ մասին, ինչպես տեղեկացնում Է «Արմենպրես»-ը, հաղորդել են պաշտպանության նախարարության մամուլի ծառայությունում: «Անցման ընդհանուր երկարությունը կազմել Է ավելի քան 6000 ծովային մղոն»,-ասվում Է տեղեկագրում: Այժմ նավերը համալրում են վառելիքա-քսուքային նյութերի, խմելաջրի եւ պարենամթերքի պաշարները:

Ռազմածովային նավատորմի նյութատեխնիկական ապահովման կայանը գտնվում Է Միջերկրական ծովի ափի Տարտուսի նավահանգստի շրջանում, այդ վայրը կայանման, վերանորոման եւ պաշարների համալրման համար Է: 11711 եւ 775 նախագծի այդ մեծ նավերը նախատեսված են չսարքավորված ափին ծովային դեսանտ իջեցնելու եւ ծովով զորքեր ու բեռներ տեղափոխելու համար: Կարող են տեղափոխել տարբեր տեսակի զրահատեխնիկա: Ռուսաստանի Դաշնության զինված ուժերի նախապատրաստման 2022 թվականի պլանին համապատասխան հունվար-փետրվարին նավատորմերի պատասխանատվության բոլոր գոտիներում անցկացվում են մի շարք ռազմածովային վարժանքներ՝ ռազմածովային նավատորմի գլխավոր հրամանատար ծովակալ Նիկոլայ Եվմենովի ընդհանուր ղեկավարությամբ, հաղորդել Է ՌԻԱ Նովոստին: