COVID-19. Վրաստանում գրանցվել է 15 հազար 762 նոր դեպք

ԵՐԵՎԱՆ, 25 ՀՈՒՆՎԱՐԻ, ԱՐՄԵՆՊՐԵՍ: Վրաստանում վերջին 24 ժամվա ընթացքում գրանցվել է կորոնավիրուսային հիվանդության 15 հազար 762 նոր դեպք: «Արմենպրես»-ի հաղորդմամբ, stopcov.ge-ն տեղեկացնում է, որ կորոնավիրուսի հետևանքով վերջին մեկ օրվա ընթացքում մահացել է 42 մարդ:

Նշված ժամանակահատվածում ապաքինվածների թիվը կազմում է 5 հազար 160, ընդհանուր առողջացածների թիվը՝ 972 հազար 745 է:

Վրաստանում հաստատված դեպքերի ընդհանուր թիվը կազմում է 1 075 154, իսկ մահերինը՝ 14 774: