ԱՄԷ-ն հայտարարել Է Աբու Դաբիի ուղղությամբ արձակված երկու հրթիռների ոչնչացման մասին
1 րոպեի ընթերցում
![ԱՄԷ-ն հայտարարել Է Աբու Դաբիի ուղղությամբ արձակված երկու հրթիռների ոչնչացման մասին](http://armenpress.am/resized/480/static/news/b/2022/01/1073760.jpg)
ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Արաբական Միացյալ Էմիրությունների (ԱՄԷ) հակաօդային պաշտպանության ուժերը հունվարի 24-ին կալանել են երկու հրթիռներ, որոնք Եմենյան «Անսար Ալլահ» շարժման հուսի խռովարարներն արձակել են երկրի մայրաքաղաք Աբու Դաբիի ուղղությամբ:
Այդ մասին հաղորդում Է Էմիրությունների WAM լրատվական գործակալությունը՝ վկայակոչելով ԱՄԷ-ի պաշտպանության նախարարությունը (ՊՆ), տեղեկացնում Է «Արմենպրես»-ը: Պաշտպանական գերատեսչության տվյալներով՝ հրթիռների բեկորներն ընկել են Աբու Դաբիի Էմիրության մի քանի շրջաններում: Գրոհների հետեւանքով տուժածներ չկան, հաղորդել Է ՏԱՍՍ-ը: