1 րոպեի ընթերցում
ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ: Կառավարության որոշմամբ Սերգեյ Մովսիսյանը նշանակվեց Արագածոտնի, իսկ Սեդրակ Թևոնյանը՝ Արարատի մարզպետ: «Արմենպրես»-ի փոխանցմամբ՝ նոր մարզպետեր նշանակելու որոշումներն ընդունվեցին կառավարության հունվարի 13-ի նիստում:
Արագածոտնի նորանշանակ մարզպետ Սերգեյ Մովսիսյանը շնորհակալություն հայտնեց ՀՀ վարչապետին վստահության համար և հավաստիացրեց, որ անելու է ամեն ինչ, որպեսզի արդարացնի սպասելիքները:
Արարատի նորանշանակ մարզպետ Սեդրակ Թևոնյանն էլ իր հերթին շնորհակալություն հայտնեց վստահության համար: «Համոզված եմ, որ մեր համատեղ աշխատանքի շնորհիվ արդարացնելու ենք մեր ժողովրդի բոլոր սպասելիքները»,- ասաց Թևոնյանը:
Մինչ նոր նշանակումները ՀՀ կառավարության որոշմամբ Ռազմիկ Պետրոսյանն ազատվել էր Արագածոտնի մարզպետի պաշտոնից, իսկ Ռազմիկ Թևոնյանն՝ Արարատի մարզպետի պաշտոնից: