Հունաստանն ազգային սուգ Է հայտարարել երկրի նախկին նախագահի մահվան կապակցությամբ

ԵՐԵՎԱՆ, 27 ԴԵԿՏԵՄԲԵՐԻ, ԱՐՄԵՆՊՐԵՍ: Հունաստանում ազգային սուգ Է հայտարարվել դեկտեմբերի 26-ին հանրապետության նախկին նախագահ Կարոլոս Պապուլյասի մահվան կապակցությամբ: Ինչպես տեղեկացնում Է «Արմենպրես»-ը, դեկտեմբերի 26-ի երեկոյան այդ մասին հայտնել Է Աթենքի նորությունների մակեդոնական գործակալությունը (ԱՆՄԳ):

Ըստ գործակալության տեղեկատվության՝ կառավարության որոշմամբ հայտարարվել Է ազգային սուգ «Կարոլոս Պապուլյասի մահվան օրվանից երեք օրվա ընթացքում, ինչպես նաեւ նրա հուղարկավորության օրը»: «Բացի դրանից այսօրվանից եւ մինչեւ նրա հուղարկավորության օրը կխոնարհվեն պետական կազմակերպությունների դրոշներն ամբողջ երկրում»,- նշում Է գործակալությունը: Գործակալությունը հավելում Է, որ Պապուլյասի հուղարկավորությունը «կիրականացվի պետության հաշվին»:

«Կառավարության որոշմամբ, հուղակավորությունը տեղի կունենա պետության ղեկավարի մեծարանքներով»,- ասված Է հաղորդագրության մեջ: Հունաստանի նախկին նախագահ Կարոլոս Պապուլյասը մահացել Է դեկտեմբերի 26-ին 92 տարեկան հասակում: Նրա մահվան կապակցությամբ իր ցավակցություններն Է հայտնել Հունաստանի գործող նախագահ Կատերինա Սակելարոպուլուն: Նա նշել Է, որ Պապուլյասի մասնակցությունն ազգային Դիմադրությանը Երկրորդ համաշխարհային պատերազմի տարիներին եւ Հունաստանում «սեւ գնդապետների» ֆաշիստամետ խունտայի դեմ պայքարին որոշիչ Էին նրա ճակատագրում՝ արտացոլելով «նրա անփոփոխելի նվիրվածությունն ազատության եւ արդարության իդեալներին, որոնք նա հետեւողականորեն պաշտպանել Է իր ամբողջ կարիերայի ընթացքում», հաղորդել Է ՏԱՍՍ-ը: