«Մանկական Եվրատեսիլ-2021» մրցույթում Հայաստանի պատվիրակը ելույթ կունենա իններորդը
1 րոպեի ընթերցում
![«Մանկական Եվրատեսիլ-2021» մրցույթում Հայաստանի պատվիրակը ելույթ կունենա իններորդը](http://armenpress.am/resized/480/static/news/b/2021/12/1070736.jpg)
ԵՐԵՎԱՆ, 14 ԴԵԿՏԵՄԲԵՐԻ, ԱՐՄԵՆՊՐԵՍ: «Մանկական Եվրատեսիլ-2021» երգի միջազգային մրցույթին Հայաստանի ներկայացուցիչ Մալենան ելույթ կունենա իններորդը: Նա մրցույթին մասնակցում է «Քամի-քամի» երգով:
«Արմենպրես»-ի հաղորդմամբ՝ մրցույթի պաշտոնական էջը հայտնում է, որ «Մանկական Եվրատեսիլ 2021»-ին մասնակցում է 19 երկիր: Մրցույթը տեղի կունենա դեկտեմբերի 19-ին Ֆրանսիայի մայրաքաղաք Փարիզում:
14-ամյա Մալենան «Մանկական Եվրատեսիլի» Հայաստանի պատվիրակն էր դեռևս 2020 թվականին, սակայն երկրում հայտարարված ռազմական դրության պատճառով Առաջին ալիքը ստիպված էր չեղարկել միջազգային մրցույթին Հայաստանի մասնակցությունը: