Զելենսկին հայտնել է Բրիտանիայի կողմից Ուկրաինային հավելյալ 1 մլրդ ֆունտ հատկացնելու մասին

ԵՐԵՎԱՆ, 8 ԴԵԿՏԵՄԲԵՐԻ, ԱՐՄԵՆՊՐԵՍ: Մեծ Բրիտանիան հավելյալ 1 մլրդ ֆունտ ստերլինգ կհատկացնի Ուկրաինային: Ինչպես փոխանցում է«Արմենպրես»-ը, այս մասին հայտարարել է Ուկրաինայի նախագահ Վլադիմիր Զելենսկին:

Նա հայտնել է, որ խոսքը նոր ներդրումների, ինչպես նաև առևտրի ու անվտանգության ապահովմանն ուղղված գումարների մասին է: «Մեծ Բրիտանիայի վարչապետ Բորիս Ջոնսոնի հետ բանակցությունների արդյունքում բրիտանական աջակցություն ընդհանուր չափը կհասնի 3.5 մլրդ ֆունտի»,- «Թվիթեր»-ում գրել է Զելենսկին: