ԱՄՆ-ը եւ Եվրամիությունը կարող են ռուբլու փոխանակման սահմանափակումներ մտցնել. Bloomberg

1 րոպեի ընթերցում

ԵՐԵՎԱՆ, 7 ԴԵԿՏԵՄԲԵՐԻ, ԱՐՄԵՆՊՐԵՍ: ԱՄՆ-ը եւ Եվրոպական Միությունը քննարկում են Ռուսաստանի խոշորագույն բանկերի եւ Ռուսաստանի ուղղակի ներդրումների հիմնադրամի դեմ ուղղված պատժամիջոցները: Այդ մասին, ինչպես տեղեկացնում Է «Արմենպրես»-ը, հաղորդել Է Bloomberg գործակալությունը՝ վկայակոչելով աղբյուրների:

Սահմանափակումները, ինչպես ասվում Է, պատրաստվում են ի դեպս Ուկրաինայի վրա Ռուսաստանի «ներխուժման» (ավելի վաղ այդ մասին հաղորդել Էր CNN հեռուստաալիքը): Մասնավորապես, հնարավոր Է ռուբլու՝ դոլարի, եվրոյի կամ բրիտանական ֆունտի փոխարկման արգելափակումը:

Առավել նշանակալից միջոց են համարում SWIFT միջազգային վճարային համակարգից Մոսկվայի անջատումը, բայց, Bloomberg-ի աղբյուրնոերի խոսքով, «դա հարված կհասցնի հասարակ քաղաքացիներին»: Ինչպես կարծում են գործակալության զրուցակիցները, պատժամիջոցների հարցը ԱՄՆ-ի նախագահ Ջո Բայդենը կարող Է շոշափել Ռուսաստանի ղեկավար Վլադիմիր Պուտինի հետ դեկտեմբերի 7-ին նշանակված բանակցությունների ժամանակ, հաղորդել Է ՌԻԱ Նովոստին:

Բաժանորդագրվեք մեր ալիքին Telegram-ում