1 րոպեի ընթերցում
ԵՐԵՎԱՆ, 15 ՆՈՅԵՄԲԵՐԻ, ԱՐՄԵՆՊՐԵՍ: Ուկրաինան Ամերիկայի Միացյալ Նահանգներից շուրջ 80 տոննա զինամթերք Է ստացել: Այդ մասին, ինչպես տեղեկացնում Է «Արմենպրես»-ը, հաղորդել Է Կիեւում ԱՄՆ-ի դեսպանությունը:
«Դա ԱՄՆ-ի չորրորդ մատակարարումն Է 60 միլիոն դոլարի չափով լրացուցիչ օգնության շրջանակներում, որը նախագահ (Ջո) Բայդենը Ուկրաինային Է ուղարկել օգոստոս ամսին, ինչը ցույց Է տալիս ԱՄՆ-ի նվիրվածությունը կայուն, ժողովրդավարական եւ ազատ Ուկրաինայի հաջողությանը»,-դեսպանությունը Twitter-ում հաղորդել Է նոյեմբերի 14-ին:
Ավելի վաղ հաղորդվել Է, որ այս շաբաթ Ուկրաինայի պատվիրակությունը՝ արտաքին գործերի նախարար Դմիտրի Կուլեբայի եւ նախագահի գրասենյակի ղեկավար Անդրեյ Երմակովի գլխավորությամբ, ԱՄՆ-ում նոր խարտիա Է ստորագրել երկրների միջեւ ռազմավարական գործընկերության շուրջ, հաղորդել Է «Ինտերֆաքս»-ը: