Սերժ Թանկյանը վարակվել է կորոնավիրուսով
1 րոպեի ընթերցում
![Սերժ Թանկյանը վարակվել է կորոնավիրուսով](http://armenpress.am/resized/480/static/news/b/2021/10/1066265.jpg)
ԵՐԵՎԱՆ, 22 ՀՈԿՏԵՄԲԵՐԻ, ԱՐՄԵՆՊՐԵՍ: Աշխարհահռչակ ռոք երաժիշտ, System of a Down խմբի մենակատար Սերժ Թանկյանը վարակվել է Covid-19-ով: «Արմենպրես»-ի փոխանցմամբ՝ այս մասին Թանկյանը հայտնել է «Ինստագրամի»-ի իր էջում կատարած գրառմամբ:
Երաժիշտը նշել է, որ երեք շոուից հետո Լոս Անջելես է վերադարձել գրիպանման ախտանշաններով: «Ես ապշած էի, որ դա կարող էր կորոնավիրուս լինել, քանի որ ես ոչ միայն պատվաստված եմ, այլ նաև խիստ զգույշ եմ»,-գրել է Թանկյանը:
Երաժիշտը ցավով է նշել, որ ստիպված են հետաձգել խմբի Լոս Անջելեսի ելույթները: Դրանք կկայանան 2022-ի փետրվարի 4-ին և 5-ին: