Թուրքիայի հարավում ռուսաստանցի զբոսաշրջիկ է մահացել
1 րոպեի ընթերցում
ԵՐԵՎԱՆ, 11 ՀՈԿՏԵՄԲԵՐԻ, ԱՐՄԵՆՊՐԵՍ: Թուրքիայի հարավում՝ Անթալիայում մահացել է Ռուսաստանից եկած զբոսաշրջիկ: «Արմենպրես»-ի հաղորդմամբ, այս մասին հայտնում է ՏԱՍՍ գործակալությունը՝ հղում կատարելով Անթալիայում ՌԴ-ի գլխավոր հյուպատոսությանը:
«Գլխավոր հյուպատոսությունը հաստատում է ՌԴ քաղաքացու մահվան փաստը: 1977 թվականին ծնված քաղաքացին Թուրքիայում էր իր ընտանիքի հետ հանգստանալու նպատակով: Մահվան պատճառը հստակեցվում է»,- ասված է հաղորդագրության մեջ: