388.1
Եգիպտոսը շուտով կբացի ևս երկու զբոսաշրջային քաղաք
1 րոպեի ընթերցում
ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: Եգիպտոսը նախատեսում է առաջիկա ամիսներին բացել ևս երկու զբոսաշրջային քաղաք: «Արմենպրես»-ի հաղորդմամբ, ՏԱՍՍ գործակալությունը տեղեկացնում է, որ այդ մասին հայտնել է Եգիպտոսի զբոսաշրջության նախարարը:
Քաղաքներից մեկը գտնվում է Կահիրեից դեպի հյուսիս 100 կմ հեռավորության վրա՝ մոտ Կարմիր ծովին: Այն կոչվում է Ալ-Գալիալիա: Երկրորդ քաղաքը, որը կոչվում է Ալ-Ալամին, Միջերկրական ծովի ափին է՝ ոչ հեռու Ալեքսանդրիայից:
Նախարարը վստահություն է հայտնել, որ առաջիկայում դեպի երկիր մուտքի ավիատոմսերի գները չեն փոխվի, ընդգծելով, որ Եգիպտոսի իշխանությունները շարունակում են աջակցություն ցուցաբերել այլ երկրներից եկող ինքնաթիռներին:
Բաժանորդագրվեք մեր ալիքին Telegram-ում