2 րոպեի ընթերցում
ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: Իսրայելը ավիահարվածներ Է հասցրել Սիրիայի ուղղությամբ՝ նշան վերցնելով Բեյրութի կողմից Դամասկոսի առանձին կետեր: Այդ մասին հաղորդել են սիրիական ԶԼՄ-ները, տեղեկացնում Է «Արմենպրես»-ը:
«Իսրայելն օդային ագրեսիա Է իրականացրել Բեյրութի հարավարեւելյան կողմից՝ հարվածն ուղղելով Դամասկոս քաղաքի շրջակայքի առանձին կետերի»,- սիրիական պետական հեռուստատեսությանը հաղորդել Է զինվորական մի աղբյուր: Նրա տվյալներով՝ Սիրիայի ՀՕՊ-ի միջոցները հարվածները ետ են մղել եւ խոցել հրթիռների մեծ մասը:
Հասցվել Է միայն նյութական վնաս: Մինչդեռ իսրայելական ԶԼՄ-ները հաղորդում են Թել-Ավիվում, Ռամաթ-Ղանում եւ Ղուշ-Դանոմում տեղի ունեցած պայթյունների մասին:
Հաղորդվում Է, որ Իսրայելի պաշտպանության բանակը հետաքննում Է, թե արդյոք պայթյուններն առաջացրել Է «երկիր-օդ» դասի սիրիական հրթիռը:
Օգոստոսի վերջին Սիրիան հետ Է մղել Իսրայելի հրթիռային հարձակումը Դամասկոսի եւ նրա արվարձանների վրա:
SANA գործակալության հաղորդագրության մեջ նշվել Է, որ Իսրայելն «օդային ագրեսիա Է իրականացրել, հրթիռներ արձակելով Բեյրութի հարավարեւելյան կողմից». թիրախները եղել են Դամասկոս եւ Հոմս քաղաքների ծայրամասերը, հաղորդել Է «Ինտերֆաքս»-ը: