Էրդողանը հեռախոսազրույց է ունեցել Աբու Դաբիի թագաժառանգի հետ
1 րոպեի ընթերցում
![Էրդողանը հեռախոսազրույց է ունեցել Աբու Դաբիի թագաժառանգի հետ](http://armenpress.am/resized/480/static/news/b/2021/08/1061992.jpg)
ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ։ Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Աբու Դաբիի թագաժառանգ Մոհամմեդ բին Զայեդ Ալ Նահյանի հետ։
Այս մասին, ինչպես հաղորդում է «Արմենպրես»-ը, հայտնում է թուրքական «Անադոլու» լրատվական գործակալությունը։ Էրդողանը և Մոհամմեդ բին Զայեդ Ալ Նահյանը քննարկել են երկու կողմերի միջև վերջին շրջանում նկատվող լարվածությունը, ի հայտ եկած խնդիրները, երկկողմ հարաբերությունները ամրապնդելու և զարգացնելու ուղիները, որպեսզի այդ հարաբերությունները ծառայեն երկու բարեկամ ժողովուրդների և երկրների ընդհանուր շահերին: Հայտարարության մեջ նշվում է, որ կողմերը նաև մտքեր են փոխանակել ընդհանուր հարցերի, ինչպես նաև տարածաշրջանային և միջազգային հարցերի շուրջ: