396.71
Հակոբ Արշակյանը ու ՀՀ-ում Չինաստանի դեսպանը քննարկել են երկու երկրների համագործակցության հետագա ծրագրերը
1 րոպեի ընթերցում
ԵՐԵՎԱՆ, 18 ՕԳՈՍՏՈՍԻ, ԱՐՄԵՆՊՐԵՍ: Օգոստոսի 18-ին ՀՀ Ազգային ժողովի նախագահի տեղակալ Հակոբ Արշակյանը հյուրընկալել է Հայաստանում Չինաստանի Ժողովրդական Հանրապետության արտակարգ եւ լիազոր դեսպան Ֆան Յոնգին:
«Արմենպրես»-ի հաղորդմամբ՝ ԱԺ-ի հասարակայնության հետ կապերի և հաղորդակցության վարչությունից տեղեկացրել են, որ ԱԺ փոխնախագահը կարեւորել է երկու երկրների միջեւ հարաբերությունների հետագա խորացումն ու զարգացումը: Նա նշել է, որ երկկողմ փոխգործակցության հարցում նշանակալի դերակատարում ունեն միջխորհրդարանական կապերը:
Հակոբ Արշակյանն ընդգծել է նաև բարեկամական խմբերի միջեւ համագործակցության սերտացման եւ փոխայցերի կարեւորությունը:
Կողմերն անդրադարձել են երկու երկրների համագործակցության ուղղություններին, հետագա ծրագրերին: Շեշտադրվել են հատկապես տնտեսական կապերի ընդլայնման անհրաժեշտությունը, բարձր տեխնոլոգիաների եւ կրթության ոլորտներում փոխգործակցության խորացումը:
Մտքեր են փոխանակվել Հայաստանի եւ Չինաստանի միջեւ փոստային ծառայությունների զարգացման, ինչպես նաեւ՝ օդային կապի գործարկման վերաբերյալ:
Արտակարգ եւ լիազոր դեսպան Ֆան Յոնգը պատրաստակամություն է հայտնել աջակցելու երկու երկրների բարեկամական կապերի ավելի ակտիվացման եւ խորացման գործում:
Բաժանորդագրվեք մեր ալիքին Telegram-ում