Բրիտանիայի պաշտպանության շտաբի պետը համագործակցության կոչ է արել Աֆղանստանին սահմանակից երկրներին
1 րոպեի ընթերցում
ԵՐԵՎԱՆ, 7 ՕԳՈՍՏՈՍԻ, ԱՐՄԵՆՊՐԵՍ: Մեծ Բրիտանիայի պաշտպանության շտաբի պետ, գեներալ Նիկ Քարթերը դիմել է Աֆղանստանին սահմանակից երկրներին՝ կոչ անելով համագործակցել ահաբեկչության դեմ պայքարում: Ինչպես հաղորդում է «Արմենպրես»-ը՝ այսպիսի հայտարարությամբ նա հանդես է եկել օգոստոսի 7-ին The Times պարբերականում հրապարակված հոդվածում:
«Պատերազմի շարունակումը չի բխում Աֆղանստանին սահմանակից երկրների շահերից: Նրանցից շատերն արդեն միլիոնավոր փախստականների են ընդունել, ու ևս մի քանի միլիոնը կլքեն Աֆղանստանը, եթե չհաջողվի կայունացնել վիճակն այնտեղ: Այդ դեպքում ահաբեկչության սպառնալիքի աճը անխուսափելի է, քանի որ ծայրահեղականները կօգտվեն առաջացած վակուումից: Կարող ենք թույլ չտալ դա, եթե աշխատենք միասին», - գրել է Քարթերը: