Ադրբեջանը հայտնում է Նախիջևանի սահմանային հատվածում իրենց զինծառայողի վիրավորվելու մասին
1 րոպեի ընթերցում
ԵՐԵՎԱՆ, 20 ՀՈՒԼԻՍԻ, ԱՐՄԵՆՊՐԵՍ: Ադրբեջանի պաշտպանության նախարարությունը հայտնում է Նախիջևանի սահմանային հատվածում ադրբեջանցի զինծառայողի վիրավորվելու մասին:
Ինչպես տեղեկացնում է «Արմենպրես»-ը, Ադրբեջանի պաշտպանության նախարարության տարածած հաղորդագրության համաձայն` գնդակոծության հետևանքով ադրբեջանական բանակի զինծառայող, ավագ լեյտենանտ Բադալի Ռամալ Բահլուլօղլուն ոտքի շրջանում հրազենային վիրավորում է ստացել: Վիրավորին ցուցաբերել են առաջին բուժօգնություն, նրան տեղափոխել են բժշկական հաստատություն: