387.65
Փաշինյանն աշտարակցիների հետ հանդիպումն ավարտել է երթով
1 րոպեի ընթերցում
ԵՐԵՎԱՆ, 8 ՀՈՒՆԻՍԻ, ԱՐՄԵՆՊՐԵՍ: Մեր գործունեությունը ոչ թե քվեների, այլ մարդու համար է: Ինչպես փոխանցում է«Արմենպրես»-ը, այս մասին Աշտարակում հայտարարեց «Քաղաքացիական պայմանագիր» կուսակցության նախընտրական ցուցակի առաջին համար, ՀՀ վարչապետի պաշտոնակատար Նիկոլ Փաշինյանը՝ ամփոփելով Արագածոտնի մարզ կատարած այցը:
«Մենք ոչ թե մտածում ենք ընտրություններում ձայն հավաքելու, այլ մարդու մասին, քաղաքացու մասին»,- ասաց Փաշինյանը:
Նա նկատեց, որ դա իշխանության հանրահավաք է, երրորդ հանրապետության պատմության մեջ չեք կարող գտնել որևէ իշխանության հանրահավաք, որտեղ ձայնագրված ծափեր, ողջույններ ու ձայնագրություններ չեն միացնում ելույթների արանքում:
«Կարևոր է արձանագրել, որ դժոխքի միջով անցնելով, մենք եկել, կանգնել ենք ձեր առաջ, չենք փախել մեր կաբինետներից, ձեզանից, որովհետև գիտենք, որ ձեր առաջ որևէ անազնիվ բան չենք արել, ձեզնից չենք գողացել»,- ասաց ՔՊ ցուցակի առաջին համարը:
Փաշինյանն ու թիմակիցներն աշտարակցիների հետ հանդիպումն ավարտել են երթով:
Բաժանորդագրվեք մեր ալիքին Telegram-ում
