Հասարակական

Աստղաձորում կանգնեցվեց եւ օրհնվեց Պահապան Խաչը

3 րոպեի ընթերցում

Աստղաձորում կանգնեցվեց եւ օրհնվեց Պահապան Խաչը

ԳԱՎԱՌ, 5 ՀՈՒՆԻՍԻ, ԱՐՄԵՆՊՐԵՍ: Գեղարքունիքի մարզի Աստղաձոր գյուղի արեւմտյան եզրին վեր բարձրացավ եւ օրհնվեց Պահապան Խաչը` օրհնությամբ Հայ Առաքելական եկեղեցու Գեղարքունյաց թեմի առաջնորդական տեղապահ Տեր Պարթեւ վարդապետ Բարսեղյանի եւ բարերարությամբ Համլետ Պետրոսյանի ընտանիքի։ «Արմենպրես»-ի տեղեկացմամբ՝ արարողությանը ներկա էին Գեղարքունիքի մարզպետ Գնել Սանոսյանը, Աստղաձոր համայնքի ղեկավար Ռոբերտ Խաչատրյանը, Գեղարքունյաց թեմի հոգևոր դասի անդամներ, Աստղաձոր համայնքի բնակիչներ։ Պահապան խաչը` 15 մետր բարձրությամբ, վեր է խոյանում պատմական հնավայր հանդիսացող վաղ միջնադարյան խաչքարերի դաշտում, ձորի հանդիպակաց բարձունքում։

Օրհնության կարգից հետո ոգեկոչման խոսք հնչեցրեց Գեղարքունյաց թեմի առաջնորդական տեղապահ Տեր Պարթեւ վարդապետ Բարսեղյանը։ «Այսօր մենք կանգնեցնում ենք Պահապան Խաչը Հայաստան աշխարհի մի հինավուրց բնակավայրում, որտեղ չքնաղ բնությանը միաձուլված են պատմության վեհաշուք կոթողները։ Նախորդ տարի այս գյուղում մենք օրհնության կարգ ենք կատարել Սուրբ Հռիփսիմե մատուռում, որը բացառիկ է Հայաստանի Հանրապետության տարածքում։ Այս Խաչը բարձրացվում է ի բարօրություն Հայոց աշխարհի, ի հիշատակ մեր հերոս նահատակների, նաեւ ի փառս այն տղաների, ովքեր վերապրեցին Արցախյան վերջին պատերազմը եւ այժմ համեստորեն ապրում են մեր կողքին։ Այդպիսի քաջ զինվորներից մեկն է նաեւ այս Պահապան Խաչի կառուցման նախաձեռնող ու բարերար Արթուր Պետրոսյանի որդին, ով դիմացավ պատերազմի դաժան փորձությանը եւ առողջ տուն վերադարձավ ու այժմ մասնակցում է հայրենաշինությանը։ Դարեր ի վեր մեր ժողովուրդը հավատացել է Խաչի զորությանը եւ հիմա էլ, հինավուրց խաչքարերի ներկայությամբ պաշտելու է այս Խաչը` ի զորություն եւ ի բարօրություն Հայոց երկրի»,-ասաց Տեր Պարթեւ վարդապետ Բարսեղյանը։

«Պահապան Խաչը տեղադրվել է մի այնպիսի վայրում, որտեղ մի կողմից գյուղը պահպանող բարձունքն է` բնության հրաշալի տեսարանով, մյուս կողմից էլ միջնադարյան տարբեր դարաշրջանների վեհաշուք ու արվեստի գլուխգործոց հանդիսացող խաչքարերն են, որոնք փաստում են, որ հայ ժողովուրդն այստեղ ապրել ու արարել է շատ դարեր առաջ, այստեղ կապրի, կատարի ու կլինի հավերժ։ Փառք մեր հերոսներին, փառք այն տղաներին, ովքեր հրաշքով ողջ մնացին պատերազմի դաշտում ու իրենց հերոսական մաքառումով փրկեցին մեր հայրենիքը։ Թող այս Խաչը պահապան լինի Աստղաձորում, Հայոց աշխարհին, ապավեն լինի մեր երազանքներին ու սուրբ նպատակներին։ Ուզում եմ շնորհակալություն հայտնել մեր բարերարին ու շինարարներին, որոնց ջանքերով վեր խոյացած Պահապան Խաչը խորհրդանշում է հայկական աշխարհի հավերժության, ազգային հավատի ու արժեքների պահպանության գաղափարը»,-նշեց մարզպետ Գնել Սանոսյանը։

Արարողության ավարտին բարերարի կողմից բաժանվեց Սուրբ Մատաղ:

Խոսրով Խլղաթյան

Գեղարքունիքի մարզի մի շարք բժշկական հաստատություններ նոր սարքավորումներ և համակարգիչներ են ձեռք բերել

Մարզեր

Գեղարքունիքի մարզի մի շարք բժշկական հաստատություններ նոր սարքավորումներ և համակարգիչներ են ձեռք բերել

ՀՀ ՏԿԵ նախարարն ու Գեղարքունիքի մարզպետն այցելել են «Մասրիկ-1» արևային ֆոտովոլտային կայանի շինհրապարակ

Տնտեսություն

ՀՀ ՏԿԵ նախարարն ու Գեղարքունիքի մարզպետն այցելել են «Մասրիկ-1» արևային ֆոտովոլտային կայանի շինհրապարակ

ՀՀ որոշ մարզերում կառուցապատման քաղաքաշինական փաստաթղթերը  կտրամադրվեն էլեկտրոնային եղանակով

Մարզեր

ՀՀ որոշ մարզերում կառուցապատման քաղաքաշինական փաստաթղթերը կտրամադրվեն էլեկտրոնային եղանակով

Գյումրիի տներից մեկում մի քանի ամսվա վաղեմությամբ մահացած կնոջ դի է հայտնաբերվել․ մեկ անձ ձերբակալվել է

Իրավունք

Գյումրիի տներից մեկում մի քանի ամսվա վաղեմությամբ մահացած կնոջ դի է հայտնաբերվել․ մեկ անձ ձերբակալվել է

ՔԿ-ն մանրամասներ է հայտնում Սյունիքում հրաձգարանի հարևանությամբ տեղի ունեցած ողբերգական դեպքի մասին

Իրավունք

ՔԿ-ն մանրամասներ է հայտնում Սյունիքում հրաձգարանի հարևանությամբ տեղի ունեցած ողբերգական դեպքի մասին

Գյումրիում մեկնարկեց պանրխաշի փառատոնը

Տուրիզմ

Գյումրիում մեկնարկեց պանրխաշի փառատոնը

Լոռու մարզպետին ներկայացվել է աղետի գոտում իրականացվող աշխատանքները

Մարզեր

Լոռու մարզպետին ներկայացվել է աղետի գոտում իրականացվող աշխատանքները

Հիմնանորոգվում է Վանաձոր-Դիլիջան միջպետական նշանակության ավտոճանապարհի մի հատվածը

Մարզեր

Հիմնանորոգվում է Վանաձոր-Դիլիջան միջպետական նշանակության ավտոճանապարհի մի հատվածը

Ոստիկանության Կոտայքի բաժնում օտարերկրացին կրակոցներ է արձակել․ նախաձեռնվել է քրեական վարույթ

Իրավունք

Ոստիկանության Կոտայքի բաժնում օտարերկրացին կրակոցներ է արձակել․ նախաձեռնվել է քրեական վարույթ

Վաղաժամ դադարել է Գյումրու ավագանու 5 անդամի լիազորությունը

Քաղաքականություն

Վաղաժամ դադարել է Գյումրու ավագանու 5 անդամի լիազորությունը

Քաղաքաշինական թույլտվությունների տրամադրման գործընթացը 4 մարզերում իրականացվելու է բացառապես էլեկտրոնային եղանակով

Մարզեր

Քաղաքաշինական թույլտվությունների տրամադրման գործընթացը 4 մարզերում իրականացվելու է բացառապես էլեկտրոնային եղանակով

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում