Շիրակում ընթացքի մեջ են արտահերթ խորհրդարանական ընտրությունների նախապատրաստական աշխատանքները
1 րոպեի ընթերցում
![Շիրակում ընթացքի մեջ են արտահերթ խորհրդարանական ընտրությունների նախապատրաստական աշխատանքները](http://armenpress.am/resized/480/static/news/b/2021/06/1054131.jpg)
ԳՅՈՒՄՐԻ,2 ՀՈՒՆԻՍԻ,ԱՐՄԵՆՊՐԵՍ : Արտահերթ խորհրդարանական ընտրությունների համար Շիրակի մարզը բաժանված է 4 ընտրատարածքների:
Ինչպես տեղեկացնում է «Արմենպրես»-ը` մարզի տարածքայինընտրական հանձնաժողովներում արդեն մեկնարկել են ընտրությունների նախապատրաստական աշխատանքները։
Ինչպես նախկին ընտրություններում, այս անգամ ևս մարզում կգործեն թիվ 30, 31, 32 և 33 ընտրատարածքները։ Արթիկի և Անիի տարածաշրջանների բնակավայրերը ներառված են թիվ 33-ում ընտրատարածքում, իսկ Աշոցք, Ախուրյան, Ամասիա խոշորացված համայնքներն ու Գյումրի քաղաքն ընդգրկված են թիվ 30, 31 և 32 ընտրատարածքներում:
Մարզը կունենա 220 ընտրատեղամաս։ Ընտրողների ընդհանուր թիվը, ըստ հրապարակված նախնական ընտրացուցակների,227 484 է։
ԱրմենուհիՄխոյան