Խաչատուր Սուքիասյանն ընտրություններին մասնակցելու է ՔՊ համամասնական ցուցակով

1 րոպեի ընթերցում

ԵՐԵՎԱՆ, 24 ՄԱՅԻՍԻ, ԱՐՄԵՆՊՐԵՍ: Հայաստանում առաջիկայում կայանալիք արտահերթ խորհրդարանական ընտրություններում հայտնի գործարար Խաչատուր Սուքիասյանը մասնակցելու է ՔՊ համամասնական ցուցակով: «Արմենպրես»-ի հաղորդմամբ, այս մասին «Ֆեյսբուք» սոցիալական ցանցի իր էջում նշել է Խաչատուր Սուքիասյանի մամուլի խոսնակ Աննա Մկրտչյանը:

«Ի պատասխան մի շարք ԶԼՄ-ների հարցումների, հայտնում եմ, որ Խաչատուր Սուքիասյանը մասնակցելու է առաջիկա արտահերթ խորհրդարանական ընտրություններին ՔՊ համամասնական ցուցակով: Այլ մանրամասների մասին կտեղեկացնենք առաջիկայում»,-նշել է նա:

Հայաստանում արտահերթ խորհրդարանական ընտրությունները կայանալու են հունիսի 20-ին:

Բաժանորդագրվեք մեր ալիքին Telegram-ում