368.26
Զախարովան մեկնաբանել է ՌԴ-ԵՄ երկխոսության առնչությամբ Ավստրիայի ԱԳ նախարարի հայտարարությունը
1 րոպեի ընթերցում
ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: Ռուսաստանի արտաքին գործերի նախարարության խոսնակ Մարիա Զախարովան մեկնաբանել է Ավստրիայի արտգործնախարար Ալեքսանդր Շալենբերգի հայտարարությունը, թե Ռուսաստանը չի ցանկանում երկխոսություն Եվրամիության հետ:
«Արմենպրես»-ի հաղորդմամբ՝ Զախարովան «Ֆեյսբուք»-ի իր էջում մասնավորապես գրել է.
«Դա ճիշտ չէ: Բազմաթիվ են եղել քաղաքական, հումանիտար, տնտեսական նախագծերը, որոնց Ռուսաստանը և ԵՄ-ն մասնակցել են: Բայց դրանք արգելափակվել են Բրյուսելի կողմից հակառուսական պատժամիջոցների ընդունումից և երկխոսությունը ագրեսիվ հռետորաբանությամբ, անհիմն մեղադրանքներով և ապատեղեկատվական արշավներով փոխարինելուց հետո»:
Ավելի վաղ Ավստրիայի արտաքին գործերի նախարար Ալեքսանդր Շալենբերգը հայտնել էր, որ ԵՄ-ն ցանկանում է Ռուսաստանի հետ երկխոսություն, իսկ Մոսկվան՝ ոչ: Նրա խոսքով՝ ԵՄ-ի և Ռուսաստանի հարաբերությունները լարված են: Միաժամանակ, Ավստրիայի ԱԳ նախարարը նշել էր, որ կան մի շարք ոլորտներ, որոնցում Մոսկվան ու Բրյուսելը ցանկանում են և պետք է համագործակցեն, օրինակ` կլիման, էներգետիկան:
Բաժանորդագրվեք մեր ալիքին Telegram-ում