Հայկ Պետրոսյանն ու Վահագն Հայրապետյանը ջազային մեկնաբանությամբ կներկայացնեն Շառլ Ազնավուրի երգերը

ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: Երգիչ, դերասան Հայկ Պետրոսյանն ու ջազ երաժիշտ, դաշնակահար Վահագն Հայրապետյանը տարբեր երաժշտական հարթակներում հանդես կգան աշխարհահռչակ շանսոնյե Շառլ Ազնավուրի տարեդարձին նվիրված համերգներով:

«Արմենպրես»-ի հաղորդմամբ՝ «JAZZNAVOUR» խորագրով երեկոներին երաժիշտները Ազնավուրի ամենասիրված երգերը կմատուցեն ջազային մեկնաբանությամբ:

Համերգները տեղի կունենան մայիսի 21-ին և 22-ին Հին Արենի ակումբում, մայիսի 23-ին Գյումրու HAYAT ակումբում և մայիսի 26-ին Ուլիխանյան ջազ ակումբում:

Հայկ Պետրոսյանին և Վահագն Հայրապետյանին կմիանան Խաչատուր Սավզյանը, որը կոնտրաբաս է նվագում, Արման Մնացականյանը, որը հարվածային գործիքներ է նվագում և շեփորահար Դանիել Մելքոնյանը: