Հայաստանում կորոնավիրուսի դեմ պատվաստումն անվճար է նաև օտարերկրյա քաղաքացիների համար

ԵՐԵՎԱՆ, 4 ՄԱՅԻՍԻ, ԱՐՄԵՆՊՐԵՍ: Հայաստանում կորոնավիրուսի դեմ անվճար կարող են պատվաստվել նաև օտարերկրյա քաղաքացիները: Ինչպես հաղորդում է «Արմենպրես»-ը, այս մասին հաղորդագրություն է տարածել ՀՀ առողջապահության նախարարությունը.

«Պատվաստվի՛ր և կանխարգելի՛ր COVID-19-ը:

18 տարեկանից բարձր բոլոր անձինք կարող են անվճար պատվաստվել COVID-19-ի դեմ ցանկացած պոլիկլինիկայում՝ անկախ գրանցման վայրից:

Պատվաստումներն անվճար են նաև օտարերկրյա քաղաքացիների համար:

Պոլիկլինիկաներում պատվաստումների համար հերթապահություններ են սահմանվել նաև շաբաթ և կիրակի օրերին՝ ժամը 10։00-16։00:

Նախապես զանգահարի՛ր պոլիկլինիկա և գրանցվի՛ր պատվաստման համար»,- ասված է հաղորդագրության մեջ: