Ֆրանսիան կկազմակերպի Pfizer եւ Moderna պատվաստանյութերի թողարկումն իր տարածքում
2 րոպեի ընթերցում
![Ֆրանսիան կկազմակերպի Pfizer եւ Moderna պատվաստանյութերի թողարկումն իր տարածքում](http://armenpress.am/resized/480/static/news/b/2021/04/1048074.jpg)
ԵՐԵՎԱՆ, 5 ԱՊՐԻԼԻ, ԱՐՄԵՆՊՐԵՍ: Այս շաբաթ Ֆրանսիան սկսում Է այն պատվաստանյութի արտադրությունը, որը մշակվել Է Pfizer Inc եւ BioNTech ընկերությունների կողմից: Այդ մասին, ինչպես տեղեկացնում Է «Արմենպրես»-ը, հաղորդել Է ֆրանսիական հեռուստատեսությունը: Արտադրությունը կկազմակերպեն ֆրանսիական Delpharm դեղագործական ընկերության օբյեկտներում, որը գտնվում Է Սեն-Ռեմի-սյուղ-Ավր կոմունայում:
Սպասվում Է, որ Ֆրանսիայում պատրաստված պատրաստուկի առաջին խմբաքանակը պատրաստ կլինի ապրիլի 7-ին: Ավելի ուշ նաեւ պլանավորվում Է արտադրություն սկսել Էնդր եւ Լուարա դեպարտամենտում, որտեղ գտնվում Է ֆրանսիական Recipharm դեղագործական ընկերության մասնաճյուղը: Այնտեղ արտադրելու են Moderna Inc պատվաստանյութը: Առաջին չափաբաժինները պետք Է պատրաստվեն մինչեւ ապրիլի վերջը: BFM-TV հեռուստաալիքի հաղորդման համաձայն, տարվա ընթացքում սպասվում Է նաեւ սկսել Sanofi եւ Janssen պատվաստանյութերի արտադրությունը:
Պլանավորվում Է, որ ընդհանուր առմամբ մինչեւ 2021 թվականի վերջը Ֆրանսիան պետք Է արտադրի 250 մլն չափաբաժին կորոնավիրուսի դեմ պատվաստանյութեր: Պատվաստանյութի արտադրության թեման Ֆրանսիայում ակտիվորեն քննարկվում Է վերջին ամիսներին: ԶԼՄ-ները, մասնավորապես, ափսոսանք են հայտնել, որ ֆրանսիական դեղագործական ընկերությունները հետ են մնացել մրցակիցներից եւ առայժմ չեն ավարտել COVID-19-ի դեմ սեփական պատվաստանյութերի վրա աշխատանքը, հաղորդել Է «Ինտերֆաքս» լրատվական գործակալությունը: