Ռուսաստանում կորոնավիրուսով վարակման 11 198 դեպք են հայտնաբերել մեկ օրում

ԵՐԵՎԱՆ, 25 ՓԵՏՐՎԱՐԻ, ԱՐՄԵՆՊՐԵՍ: Ռուսաստանում կորոնավիրուսով վարակվածների թիվը մեկ օրում աճել Է 11 198-ով, դա նվազագույն ցուցանիշն Է հոկտեմբերի 7-ից ի վեր: Ախտահարվածների ընդհանուր քանակը հասել Է 4 212 100-ի, փետրվարի 25-ին լրագրողներին հայտնել են նոր հիվանդության դեմ պայքարի դաշնային օպերատիվ շտաբում, տեղեկացնում Է «Արմենպրես»-ը:

Հարաբերական արտահայտությամբ, շտաբի տվյալներով՝ նոր դեպքերի աճը կազմել Է 0,27 տոկոս:

Ներկայումս Ռուսաստանում բուժումը շարունակում Է 359 560 մարդ:

Վարակումից հետո ապաքինվածների թիվը մեկ օրում աճել Է 16 102-ով՝ մինչեւ 3 767 664:

Այսպիսով, արդեն բուժվել Է համավարակի սկզբից երկրում բոլոր վարակվածների 89,4 տոկոսը: Մահացու վախճանների թիվն աճել Է 446-ով մեկ օր առաջվա 383-ի դիմաց: Ընդամենը վարակից մահացել Է 84 876 հիվանդ:

Պայմանական մահացությունը (վերջնականը կարելի կլինի որոշել սոսկ համավարակն ավարտվելուց հետո) աճել Է մինչեւ 2,02 տոկոսի մակարդակ, հետեւում Է շտաբի տվյալներից, հաղորդել Է ՏԱՍՍ-ը: