Ալիեւը վերածնում է ֆաշիզմը. Արցախի հուշարձանների և Հայրենական պատերազմի հերոսների հուշահամալիրի ավերումը դրա վկայությունն է

ԵՐԵՎԱՆ, 18 ՓԵՏՐՎԱՐԻ, ԱՐՄԵՆՊՐԵՍ: Ադրբեջանի վերահսկողության տակ գտնվող Արցախի տարածքներում բազմաթիվ են վանդալիզմի դեպքերը: Ինչպես տեղեկացնում է «Արմենպրես»-ը, infoteka24 պորտալ նշում է, որ միջազգային կառույցներն ու քաղաքական գործիչները, այդ թվում՝ ՌԴ արտաքին գործերի նախարարության ներկայացուցիչ Մարիա Զախարովան, դատապարտել են Արցախում ադրբեջանցիների վանդալիզմի գործողությունները, սակայն ոչ մի գործողություն չի հետեւել խոսքերին:

«Հայրենական մեծ պատերազմի հերոսների հիշատակը հավերժացնող հուշահամալիրը պատահական չէր ընտրված վայրենիների կողմից։ Այսօր Ադրբեջանում տեղի է ունենում ֆաշիստական գաղափարախոսության վերածնունդ, որի դեմ 20-րդ դարում պայքարել է ամբողջ աշխարհը: Համաշխարհային հանրության լռությունն առաջիկայում կհանգեցնի նրան, որ աշխարհում կհայտնվեն երկու նոր Հիտլեր ՝ ի դեմս Էրդողանի և Ալիևի»,- նշում է infoteka24 պորտալը: