368.52
Սյունիքի սահմանամերձ համայնքներում կառավարությունը կիրականացնի գյուղատնտեսական նոր ծրագրեր
1 րոպեի ընթերցում
ԵՐԵՎԱՆ, 18 ՓԵՏՐՎԱՐԻ, ԱՐՄԵՆՊՐԵՍ: Աշխատանքներ են տարվում Սյունիքի մարզի սահմանամերձ բնակավայրերի գյուղատնտեսական աշխատանքների և անասնապահության հետ կապված խնդիրների լուծման ուղղությամբ: Այդ մասին կառավարության նիստում նշեց վարչապետի խորհրդական Ռոբերտ Ղուկասյանը:
«Սյունիքի մարզի սահմանամերձ բնակավայրերի բնակիչները գյուղատնտեսական աշխատանքների եւ անասնապահության հետ կապված խնդիրներ ունեն: Մարդիկ իրենց գյուղատնտեսական աշխատանքներն ու անասնապահական աշխատանքները ծավալում էին ավելի լայն տարածություններում, որի հնարավորությունն այսօր չունեն: Հատկապես խնդիր է առաջանում Որոտանում, որի վարչական շրջանը շատ փոքր է: Այս ուղղությամբ էկոնոմիկայի նախարարության հետ աշխատում ենք, շուտով կունենանք վերջնական լուծումներ, որոնք կապված կլինեն ջերմոցային տնտեսությունների, ինտենսիվ այգիների, խելացի անասնագոմերի հետ: Հաջորդ նիստում կունենանք վերջնական որոշումներ»,- «Արմենպրես»-ի փոխանցմամբ, ասաց Ղուկասյանը՝ ավելացնելով՝ քանի որ մոտենում է գյուղատնտեսական աշխատանքների սեզոնը, արդեն սկսել են ականազերծման աշխատանքները:
Վարչապետ Նիկոլ Փաշինյանն իր հերթին նշեց, որ նման կոնկրետ քայլերի արդյունքում սյունեցիները կզգան, որ կառավարությունը կանգնած է իրենց կողքին:
Բաժանորդագրվեք մեր ալիքին Telegram-ում