Զորամասերից մեկի պահպանության տեղամասում պայմանագրային զինծառայող է հանկարծամահ եղել

ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: ՀՀ հյուսիսարևելյան ուղղությամբ տեղակայված զորամասերից մեկի պահպանության տեղամասում փետրվարի 8-ին, ժամը 12.40-ի սահմաններում, հանկարծամահ է եղել պայմանագրային զինծառայող, շարքային Էդվարդ Կառլենի Կիրակոսյանը (ծնված 1994թ. ԶԶՀԾ Տավուշի ՄՏՍ): Կատարվում է քննություն: «Արմենպրես»-ն այս մասին տեղեկացավ ՀՀ պաշտպանության նախարարությունից։