Քվորումի բացակայության պատճառով ԱԺ արտահերթ նիստ չի գումարվել

ԵՐԵՎԱՆ, 17 ՆՈՅԵՄԲԵՐԻ, ԱՐՄԵՆՊՐԵՍ: Քվորումի բացակայության պատճառով նոյեմբերի 17-ի ժամը 18:30-ին արտահերթ նիստ չի գումարվել: Ինչպես տեղեկացնում է «Արմենպրես»-ը, այս մասին «Ֆեյսբուք»-ի իր էջում գրել է «Լուսավոր Հայաստան» խմբակցության ղեկավար Էդմոն Մարուքյանը:

«Իմ Քայլ»-ի ԱԺ խորհրդի անդամ պատգամավորները չներկայացան Աժ խորհրդի նիստին: Քվորումի բացակայության պատճառով այսօր 18:30-ին արտահերթ նիստ գումարել չստացվեց: Արտահերթ նիստի օրակարգում մեկ հարց էր «ռազմական դրությունը վերացնելու մասին» ԱԺ որոշման նախագծի քննարկումը»,- գրել է Մարուքյանը: