Շուշի-Բերձոր ճանապարհի որոշ հատվածներ փակ են. ՊԲ-ն իրականացնում է հնարավոր դիվերսիոն խմբերի որոնումներ
1 րոպեի ընթերցում
ՍՏԵՓԱՆԱԿԵՐՏ, 4 ՆՈՅԵՄԲԵՐԻ, ԱՐՄԵՆՊՐԵՍ: Շուշի-Բերձոր ճանապարհի որոշ հատվածներ միայն քաղաքացիական բնակչության համար ժամանակավորապես փակ են: Այս մասին հայտնում է Արցախի Հանրապետության պաշտպանության նախարարությունը:
«Ներկա պահին ՊԲ ստորաբաժանումների կողմից թշնամական դիվերսիոն խմբերի հավանական ներթափանցման ուղղություններում ընթանում են որոնողական գործողություններ: Այս ամենով պայմանավորված՝ Շուշի-Բերձոր ճանապարհի որոշ հատվածներ միայն քաղաքացիական բնակչության համար ժամանակավորապես փակ են»,- «Արմենպրես»-ի հաղորդմամբ՝ նշում են ՊՆ-ից: