Վրաստանի խորհրդարանական ընտրություններում առաջատարն իշխող «Վրացական երազանք»-ն է. Էքզիթ-փոլ

ԵՐԵՎԱՆ, 31 ՀՈԿՏԵՄԲԵՐԻ, ԱՐՄԵՆՊՐԵՍ: Վրաստանում կայացած խորհրդարանական ընտրություններում, ըստ էքզիթ-փոլի արդյունքների, առաջատարն իշխող «Վրացական երազանք» կուսակցությունն է` ստացած 55% ձայներով: «Արմենպրես»-ի փոխանցմամբ` այս մասին հայտնում է Agenda.ge-ն:

Երկրորդ տեղում` 23% ձայներով, «Միասնական ազգային շարժում» կուսակցությունն է: Ընտրություններին մասնակցող «Եվրոպական Վրաստան», «Լելո», «Հայրենասերների դաշինք», «Աղմաշենեբելիի մարտավարություն» և «Գիրչի» քաղաքական ուժերը հավաքել են 3% քվե, ինչը ևս անցողիկ է համարվում:

Վրաստանում խորհրդարանական ընտրություններն անցկացվել են հոկտեմբերի 31-ին: