Ազգային ժողովն արտահերթ նիստ կգումարի. օրակարգում հարկային ոլորտին առնչվող նախագծեր են
1 րոպեի ընթերցում
![Ազգային ժողովն արտահերթ նիստ կգումարի. օրակարգում հարկային ոլորտին առնչվող նախագծեր են](http://armenpress.am/resized/480/static/news/b/2020/10/1032222.jpg)
ԵՐԵՎԱՆ, 20 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ Ազգային ժողովը հոկտեմբերի 21-ին կգումարի արտահերթ նիստ: «Արմենպրես»-ի փոխանցմամբ` այս մասին ասված է կառավարության որոշման նախագծում:
Հոկտեմբերի 21-ին, ժամը 11:00-ին գումարվելիք նիստում պատգամավորներն առաջին ընթերցմամբ կքննարկեն «Ռազմական դրության ժամանակահատվածում հարկային արտոնություններ սահմանելու մասին» և «Հայաստանի Հանրապետության հարկային օրենսգրքում լրացումներ կատարելու մասին» Հայաստանի Հանրապետության օրենքների նախագծերը:
Հայաստանի Հանրապետությունում սեպտեմբերի 27-ից հայտարարվել է ռազմական դրություն՝ պայմանավորված Արցախի նկատմամբ Ադրբեջանի սանձազերծած լայնածավալ ռազմական գործողություններով: