1 րոպեի ընթերցում
ԵՐԵՎԱՆ, 18 ՀՈԿՏԵՄԲԵՐԻ, ԱՐՄԵՆՊՐԵՍ: Հայ առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը հերթական անգամ այցելել է զինվորական հոսպիտալ և հանդիպել այնտեղ բուժվող վիրավոր զինվորների հետ։ «Արմենպրես»-ն այս մասին տեղեկացավ Պարգև արքեպիսկոպոս Մարտիրոսյանի «Ֆեյսբուքի» էջից:
Պարգև Սրբազանն աղոթք է բարձրացրել առ Աստված նրանց շուտափույթ ապաքինման համար, բուժանձնակազմին էլ մաղթել է ուժ ու կորով իրենց առաքելության մեջ։
Արցախի թեմի առաջնորդ Պարգև արքեպիսկոպոս Մարտիրոսյանն օրեր առաջ այցելել էր նաև հրթիռակոծված Շուշիի Ղազանչեցոց Սբ Ամենափրկիչ եկեղեցի և այնտեղ աղոթք բարձրացրել Հայաստան-Արցախ աշխարհի խաղաղության, զորացման, հաղթանակի և միասնականության համար։