Ռուսաստանը զորավարժություններ է անցկացնում Կասպից ծովում՝ Ապշերոնյան թերակղզուց դեպի հյուսիս
1 րոպեի ընթերցում
![Ռուսաստանը զորավարժություններ է անցկացնում Կասպից ծովում՝ Ապշերոնյան թերակղզուց դեպի հյուսիս](http://armenpress.am/resized/480/static/news/b/2020/10/1031774.jpg)
ԵՐԵՎԱՆ, 16 ՀՈԿՏԵՄԲԵՐԻ, ԱՐՄԵՆՊՐԵՍ: Կասպից ծովում զինավարժանքներ են մեկնարկել ռուսաստանյան վեց նավերի, յոթ ինքնաթիռների եւ ավելի քան 400 զիծառյողների ներգրավմամբ: Հոկտեմբերի 16-ին այդ մասին լրագրողներին հայտնել են Ռուսաստանի պաշտպանության նախարարությունում, տեղեկացնում Է «Արմենպրես»-ը:
«Զինավարժանքը տեղի կունենա Կասպից ծովի կենտրոնական մասում՝ Ապշերոնյան թերակղզուց դեպի հյուսիս: Ընդամենը ծովային զորավարժություններում գործի կդրվեն վեց նավ, յոթ ինքնաթիռ եւ ավելի քան 400 զինծառայող»,- նշել են զինվորական գերաետսչությունում:
Ինչպես ընդգծել են պաշտպանության նախարարությունում, հսկիչ ստուգման շրջանակում անցկացվող միջոցառումները սահմանափակումներ չեն ստեղծում մերձկասպյան պետությունների տնտեսական գործունեության համար:
Կասպից ծովի արևմտյան ափին գտնվող Ապշերոնյան թերակղզու հարավային հատվածում է Ադրբեջանի մայրաքաղաք Բաքուն։