Ռուսաստանում COVID-19-ի դեպքերի թիվը մեկ օրում մոտեցել Է 11 հազարի

ԵՐԵՎԱՆ, 5 ՀՈԿՏԵՄԲԵՐԻ, ԱՐՄԵՆՊՐԵՍ: Ռուսաստանում կորոնավիրուսային ինֆեկցիայով նոր հիվանդացածների օրական աճը 10 հազար 888-ի հասել 84 տարածաշրջաններում, որոնցից Մոսկվային բաժին Է ընկնում 3 հազար 537-ը: Այդ մասին, ինչպես տեղեկացնում Է «Արմենպրես»-ը, վկայում են օպերատիվ շտաբի տվյալները, որոնք հրապարակվել են հոկտեմբերի 5-ին:

Ռուսաստանում COVID-19-ի դեպքերի աճը նշվում Է սեպտեմբերի սկզբից, երբ օրական աճը գերազանցել Է հինգ հազարի նշագիծը: Սեպտեմբերի 19-ի դրությամբ ցուցանիշները վեց հազարի նշագծին են հասել հուլիսից ի վեր առաջին անգամ, սեպտեմբերի 25-ին հաղթահարվել Է նոր դեպքերի յոթ հազարի նշագիծը, սեպտեմբերի 28-ին՝ ութ հազարի:

Հոկտեմբերի առաջին օրերին մայիսից ի վեր առաջին անգամ ինը հազարի աճ Է արձանագրվել, իսկ հետո 10 հազար դեպք՝ մեկ օրում: Ռուսաստանում շուրջ հազար ուսուցիչներ են կորոնավիրուսով վարակվել սեպտեմբերի առաջին շաբաթվա ընթացքում: Այդ մասին հայտարարել Է ՌԴ-ի կրթության փոխնախարար Վիկտոր Բասյուկը:

«Այն թվերը, որոնք դուք ներկայացրել եք, դրանք հաստատվում են, բայց դրա հետ մեկտեղ Ռոսպոտրեբնադզորը նշում Է, որ ուսուցիչների հիվանդությունների թվաքանակը նորմայի մեջ Է եւ բավականին կայուն Է»,-հայտարարել Է Բասյուկը՝ հանդես գալով Ռադիո «Կոմսոմալսկայա պրավդա»-ի եթերով, պատասխանելով այն հարցին, թե ճիշտ են արդյոք այն տվյալները, թե կորոնավիրուսով մոտավորապես հազար ուսուցիչներ են հիվանդացել սեպտեմբերի առաջին շաբաթվա ընթացքում:

Երկրում մեկ օրում կորոնավիրուսից մահացել Է 117 մարդ, ապաքինվել Է 3 հազար 181 հիվանդ: Ռուսաստանի Դաշնությունում աճող արդյունքներով կորոնավիրուսային վարակի 1 մլն 225 հազար 889 (+9 տոկոս) դեպք Է գրանցվել 85 տարածաշրջաններում: Դուրս գրվածների թվաքանակն ամբողջ ժամանակաշրջանում կազմել Է 982 հազար 324 մարդ, մահվան դեպքերի թիվը հասել Է 21 հազար 475-ի, հաղորդել Է «Ինտերֆաքս»-ը: