1 րոպեի ընթերցում
ԵՐԵՎԱՆ, 29 ՍԵՊՏԵՄԲԵՐԻ, ԱՐՄԵՆՊՐԵՍ: Աֆղանստանի Դայկունդի նահանգում առնվազն 15 մարդ զոհվել կամ տուժել են ավտոմեքենայի պայթյունի հետեւանքով: Այդ մասին, ինչպես տեղեկացնում Է «Արմենպրես»-ը, հաղորդել Է 1TV News հեռուստաալիքը՝ վկայակոչելով ներքին գործերի նախարարությանը:
Ինչպես հաղորդում Է Աֆղանստանի ՆԳ նախարարությունը, պայթյունը, որի հետեւանքով նաեւ կանայք ու երեխաներ են զոհվել, իրականացրել են «Թալիբան» արմատական շարժման զինյալները: «Թալիբան»-ը դեռ չի մեկնաբանում այդ հարձակումը: Ավելի վաղ Քատարում Էմիրության միջնորդությամբ սկսվել են մի քանի տասնյակ տարվա ընթացքում առաջին ուղղակի բանակցությունները Աֆղանստանի կառավարության եւ «Թալիբան» արմատական շարժման միջեւ:
Բանակցային գործընթացը հնարավոր Է դարձել բանտարկյալներին ազատ արձակելու մասին պայմանը կատարելուց հետո, որը նշվել Է ԱՄՆ-ի եւ թալիբների միջեւ փետրվարի վերջին կնքված հաշտության համաձայնագրում: Համաձայնագրի շրջանակներում Աֆղանստանի բանտերից ազատ են արձակվել 5 հազար բանտարկված թալիբներ, հաղորդել Է ՌԻԱ Նովոստին: