2 րոպեի ընթերցում
ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ: Գլոբալացման դարաշրջանին, որն սկսվել Է 1980 թվականից, փոխարինելու կգա «անկարգության դարաշրջանը»: Այդ մասին, ինչպես տեղեկացնում Է «Արմենպրես»-ը, ասվում Է Deutsche Bank-ի հետազոտության մեջ, գրում Է RBK բանկը:
Զեկույցի հեղինակ Ջիմ Ռեյդի եւ նրա գործընկերների կանխատեսման համաձայն, նոր դարաշրջանի բնութագրական գիծը կդառնա Չինաստանի տնտեսության բարձրացումը ԱՄՆ-ի տնտեսության նկատմամբ, եւ այդ դիմակայությունը կհիշեցնի Միացյալ Նահանգների եւ ԽՍՀՄ-ի փոխհարաբերությունները սառը պատերազմի ժամանակներում:
Հետազոտողներն սպասում են գլոբալ պարտքի աճի շարունակության, կենտրոնական բանկերից «ուղղաթիռային փողերի» քաղաքականության եւ այն երիտասարդ սերունդների ազդեցության ուժեղացման, որոնք չափահաս կյանք են թեւակոխել 21-րդ դարում, այդ թվում՝ նրանց Էլեկտորալ քաշի տեսակետից:
Նաեւ «անկարգությունների դարը» բնութագրվելու Է արժեզրկման աճով, կլիմայի հարցերով մտահոգությամբ, սերունդների մրցակցության ուժեղացմամբ եւ նոր տեխնոլոգիաների հեղափոխությամբ: Ենթադրաբար, «անկարգությունը» որոշելու Է նոր դարաշրջանը, համենայն դեպս սկզբնական ժամանակներում, տասնամյակի ընթացքում կամ ավելի շատ:
Դրա հետ մեկտե0 հետազոտության հեղինակները կոչ են անում «անկարգության դարաշրջանը» որպես պատճառ չընկալել ներդրումներից հրաժարվելու համար, քանի որ այն «լայնածավալ ներդրումներ եւ իրացվելիություն կբերի»,-հաղորդել Է ՌԻԱ Նովոստին: