2 րոպեի ընթերցում
ԵՐԵՎԱՆ, 9 ՍԵՊՏԵՄԲԵՐԻ, ԱՐՄԵՆՊՐԵՍ: Ռուսաստանի տնտեսությունը կորոնավիրուսով պայմանավորված ճգնաժամի մեջ Է հայտնվել լավագույն ձեւով, քան մյուսները, եւ նրա հետագա հեռանկարները կարող են այնքան Էլ տխուր չլինել, ինչպես սպասվում Էր:
Այդ մասին, ինչպես տեղեկացնում Է «Արմենպրես»-ը, գրում Է Bloomberg գործակալությունը՝ հենվելով վերլուծաբանների կարծիքների եւ սեփական հետազոտությունների վրա:
«Երբ բռնկվեց համավարակը, Ռուսաստանը բավականին լավ վիճակում Էր. ցածր արժեզրկում, ցածր գործազրկություն, կայուն բանկային հատված եւ հսկայական պահուստներ»,-գործակալությունը մեջբերում Է «Ռենեսանս Կապիտալ» ներդրումային ընկերության գլխավոր տնտեսագետ Սոֆյա Դոնեցի խոսքը:
Հրապարակման հեղինակները մյուս երկրներից ավելի քիչ տնտեսական անկման տեմպեր են նշում Ռուսաստանում:
Կարանտինային միջոցառումներից հատկապես խստորեն տուժած ծառայությունների եւ փոքր բիզնեսի ոլորտում կորուստները, գործակալության կարծիքով, նույնպես այնքան մասշտաբային չեն մյուս երկրների կորուստների համեմատությամբ:
Bloomberg գործակալության հետազոտության համաձայն, Ռուսաստանի տնտեսությունը, ընթացիկ տարվա արդյունքներով, կկրճատվի 4,8 տոկոսով, ինչը կազմում Է կորոնավիրուսի համավարակի սկսվելուց անմիջապես հետո կառավարության սպասածի պակաս մասը:
«Եթե լրացուցիչ ցնցումներ չլինեն, այս տարի կանխատեսումների բարձրացում կլինի Ռուսաստանի տնտեսության նկատմամբ»,-կարծում Է Դոնեցը, հաղորդել Է ՌԻԱ Նովոստին: