3 րոպեի ընթերցում
ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: Միացյալ Նահանգները պետք Է չեղյալ հայտարարի երկրի տարածքում չինացի դիվանագետների գործունեության չհիմնավորված սահմամնափակումները: Ինչպես տեղեկացնում Է «Արմենպրես»-ը, այդ մասին ասված Է Վաշինգտոնում ՉԺՀ-ի դեսպանության՝ սեպտեմբերի 2-ին տարածված հայտարարության մեջ:
«Փոխադարձության սկզբունքի պատրվակով ԱՄՆ-ը մտցրել Է հերթական չհիմնավորված սահմանափակումները եւ խոչընդոտներ ստեղծել Չինաստանի դիվանագիտական եւ հյուպատոսական անձնակազմի համար»,- նշված Է փաստաթղթում:
Ինչպես ընդգծել են դիվանագիտական ներկայացուցչությունում, Պետդեպարտամետի գործողությունները «կոպտորեն ոտնահարում են Դիվանագիտական հարաբերությունների շուրջը Վիենայի կոնվենցիան եւ Հյուպատոսաան հարաբերությունների շուրջը Վիեննայի կոնվենցիան, եւ Չինաստանը կտրականապես դեմ Է դրան»:
«Դա նաեւ հակասում Է ամերիկյան կողմի բացահայտության եւ ազատության ինքնահռչակ արժեքներին: Չինաստանը միշտ օգնել եւ անհրաժեշտ աջակցություն Է տրամադրել օտարերկյա, այդ թվում ԱՄՆ-ի դիվանագիտական եւ հյուպատոսական անձնակազմին Չինաստանում իրենց պաշտոնեական պարտականությունների կատարման համար,- նշել են դեսպանությունում:- Մենք ամերիկյան կողմին կոչ ենք անում ուղղելու իր սխալը, վերացնելու այդ որոշումը եւ օգնություն եւ աջակցություն ցույց տալու ԱՄՆ-ում Չինաստանի դիվանագիտական եւ հյուպատոսական անձնակազմերին իրենց պարտականությունները կտարելիս»:
Սեպտեմբերի 2-ին ԱՄՆ-ի պետքարտուղար Մայքլ Փոմպեոն հայտարարել Է, որ համալսարանական ավաններ այցելության եւ տեղական իշխանությունների ներկայացուցիչների հետ հանդիպումների համար այժմ Չինաստանի դիվանագիտական աշխտողներին կպահանջվի հատուկ թույլտվություն ստանալ Պետդեպարտամենտից: Բացի դրանից, չինացի դիվանգետներին այժմ կպահանջվի հատուկ թույլտվություն դիվանագիատկան հիմնարկությունների սահմաններից դուրս «50 մարդուց ավելի լսարանով մշակութային միջոցառումների» անցկացման համար»:՛ ԱՄՆ-ի արտաքին քաղաքական գերատեսչության ղեկավարն այս գործողությունները համարել Է «այն չափազանց մեծ սահմանափակումների ուղղակի պատասխանը», որոնք Պեկինը սահմանել Է ամերիկացի դիվանագետների համար:
Ըստ որում պետքարտուղարը հայտարարել Է ՉԺՀ-ի դիվանագիտական աշխատողների նկատմամբ նոր պահանջներից հրաժարվելու պատրաստակամության մասին Պեկինի կողմից համանման գործողությունների դեպքում, հաղորդել Է ՏԱՍՍ-ը: