1 րոպեի ընթերցում
ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: ՀՀ էկոնոմիկայի նախարար Տիգրան Խաչատրյանը տնտեսական աջակցության նոր ծրագրերին վերաբերող ասուլիսը չսկսեց, մինչև դիմակը չբերեց իր աշխատասենյակից. նա մոռացել էր այն:
«Ներողություն եմ խնդրում աշխատասենյակից ուղիղ այստեղ առանց դիմակի գալու համար»,- «Արմենպրես»-ի հաղորդմամբ` ասուլիսի սկզբին ասաց նախարարը:
Խաչատրյանն իր դիմակի մասին հիշեց միայն այն ժամանակ, երբ մամուլի խոսնակ Աննա Օհանյանը լրագրողներին խնդրեց խստորեն պահպանել հակահամաճարակային կանոնները։
Նախարար Խաչատրյանն այդ խոսքերից հետո անմիջապես ասաց`«բա ե՞ս» և դահլիճից դուրս եկավ, ապա վերադարձավ արդեն դիմակով։
ԼՐԱՑՈՒՄ.Մամուլի քարտուղար Աննա Օհանյանն ավելի ուշ տեցեկացրեց, որ ասուլիսից հետո ՀՀ ոստիկանությունը կազմեց կանոնների խախտման և տուգանքի վերաբերյալ համապատասխան արձանագրություն:
«Եվս մեկ անգամ ներողություն ենք խնդրում անուշադրության արդյունքում տեղի ունեցած միջադեպի համար՝ վերահաստատելով, որ նույնիսկ մի քանի վայրկյան տևած կանոնների խախտումը չի ազատում պատասխանատվությունից»,-նշեց Օհանյանը։
Լիլիթ Դեմուրյան