Կառավարության նիստի օրակարգում է Ռոմանոս Պետրոսյանին Կոտայքի մարզպետի պաշտոնից ազատելու հարցը
1 րոպեի ընթերցում
ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ։ Կառավարությունը կքննարկի Ռոմանոս Պետրոսյանին Հայաստանի Հանրապետության Կոտայքի մարզպետի պաշտոնից ազատելու հարցը։ «Արմենպրես»-ի փոխանցմամբ, որոշման նախագիծն ընդգրկված է կառավարության հուլիսի 30-ի նիստի օրակարգում։
«Ղեկավարվելով Հայաստանի Հանրապետության Սահմանադրության 160-րդ հոդվածի 2-րդ մասով` Հայաստանի Հանրապետության կառավարությունը որոշում է.
Ռոմանոս Պետրոսյանին ազատել Հայաստանի Հանրապետության Կոտայքի մարզպետի պաշտոնից»,- նշված է նախագծում։
Ռոմանոս Պետրոսյանը 2018 թվականի հունիսի 1-ից զբաղեցնում է ՀՀ Կոտայքի մարզի մարզպետի պաշտոնը։ Լրատվամիջոցների չհաստատված տեղեկությունների համաձայն` Պետրոսյանը հնարավոր է նշանակվի Շրջակա միջավայրի նախարար։