Պատրաստ եմ ծնկի իջնել․ Կադիրովը՝ Հայաստանի և Ադրբեջանի սահմանին տիրող իրավիճակի մասին

3 րոպեի ընթերցում

ԵՐԵՎԱՆ, 18 ՀՈՒԼԻՍԻ, ԱՐՄԵՆՊՐԵՍ։ Չեչնիայի ղեկավար Ռամզան Կադիրովը հայտարարություն է տարածել հայ-ադրբեջանական սահմանին ստեղծված իրավիճակի վերաբերյալ։ Ինչպես տեղեկացնում է «Արմենպրես»-ը, վկայակոչելով Կադիրովի «Տելեգրամ»-ի ալիքը, Չեչնիայի ղեկավարը նշել է, որ չեչեն ժողովուրդը խախաղության գինը գիտի ավելի, քան բոլորը, գիտի նաև վիշտը, որը բերում է պատերազմը:

«Մենք մեր սեփական փորձից գիտենք, որ ավելի լավ է կանխել պատերազմը և ամեն ինչ անել բարդ խնդիրների խաղաղ կարգավորման համար: Այսօր տեսնում ենք սրված իրավիճակ հայ-ադրբեջանական սահմանին։ Երկու պետություններն էլ եղբայրական են մեզ համար: Բայց այնտեղ տեղի ունեցող ողբերգական իրադարձությունները վերաբերում են ոչ միայն Ռուսաստանին, դրանք ցավոտ են ողջ Կովկասի և ԱՊՀ երկրների համար»,- նշել է Կադիրովը։

Չեչնիայի ղեկավարը կոչ է արել Հայաստանի, Ադրբեջանի և դաշնակից բոլոր պետությունների ղեկավարներին խոսել, բարձրաձայնել և միջոցներ ձեռնարկել այս հակամարտությունը դադարեցնելու համար:

«Ամեն ինչ պետք է արվի, որ կողմերը հասնեն խաղաղության: Հակառակ դեպքում, եթե, Աստված մի արասցե, այս դիմակայությունը վերածվի լայնամասշտաբ պատերազմի, արդյունքը հղի է ողբերգական հետևանքներով ոչ միայն ողջ Կովկասի համար: Մենք հիշում ենք Ղարաբաղում տեղի ունեցող իրադարձությունները, մարդկային քանի կորուստ բերեց այս պատերազմը: Եվ այսօր կրկին մահացածներ կան, և իրավիճակը լարված է»,- ասել է Կադիրովը։

Ըստ Չեչնիայի ղեկավարի՝ Հայաստանի և Ադրբեջանի սահմանին հակամարտության մասնակիցները պետք է իմանան, որ եթե անհապաղ վճռական միջոցներ չձեռնարկվեն, իրավիճակը կարող է վերածվել մեծ պատերազմի`բոլոր հետևանքներով: «Կսկսվեն նոր սադրանքներ, կլինեն անվերջ հոսքեր մահացածների, վիրավորների, փախստականների, որբերի... բայց հաղթողներ չեն լինի .... Խաղաղություն հաստատելու համար ես պատրաստ եմ ծնկի իջնել և խնդրել յուրաքանչյուրին: Այո, ես պատրաստ եմ, անհրաժեշտության դեպքում, զենք վերցնել և պայքարել հանուն արդարության, հանուն խաղաղության: Բայց ավելի իմաստուն կլինի, եթե նստենք բանակցությունների սեղանի շուրջ և թույլ չտանք լայնածավալ ողբերգություն»,- եզրափակել է Կադիրովը։

Հայերեն العربية English

Վահան Կոստանյանը հանդիպել է Պաղեստինի արտաքին գործերի և սփյուռքի նախարարի հետ

Լևոն Աբրահամյանը՝ Հայաստանի նկարիչների միության նոր նախագահ

Իրանի դեմ վերջերս տեղի ունեցած երկու պատերազմների ընթացքում զոհվել է առնվազն 428 երեխա և դեռահաս

Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ

ԻՀՊԿ-ն հայտնել է Հորմուզի նեղուցի մոտակայքում 58-րդ ամերիկյան MQ-9 ԱԹՍ-ը խոցելու մասին

Հայաստանում կստեղծվի կիբեռանվտանգության կամպուս. ծրագիրը կիրականացվի Ֆրանսիայի և ԵՄ-ի աջակցությամբ

Կայացավ ՀՆՄ 21-րդ համագումարը

Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն

Հունաստանի ամենահեղինակավոր Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես

«Վայլդբերրիզ» ՍՊԸ-ի գլխավոր տնօրենի փոփոխությունը չի ազդում ընկերության գործառնական գործունեության վրա