ՍԴ անդամները հայտարարություն են տարածել
1 րոպեի ընթերցում
![ՍԴ անդամները հայտարարություն են տարածել](http://armenpress.am/resized/480/static/news/b/2020/06/1019538.jpg)
ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ: Սահմանադրական դատարանի անդամները հայտարարություն են տարածել՝ մտահոգություն հայտնելով Սահմանադրական դատարանին առնչվող վերջին իրադարձությունների կապակցությամբ։
«Հորդորում ենք հանրային իշխանության բոլոր մարմիններին իրենց գործողություններում և որոշումներում առաջնորդվել միայն և բացառապես Սահմանադրությամբ։ Սահմանադրական դատարանը շարունակում է իրականացնել իր լիազորությունները բնականոն հունով՝ ապահովելով Սահմանադրության գերակայությունը»,-«Արմենպրես»-ի հաղորդմամբ՝ նշված է ՍԴ-ի «Ֆեյսբուք»-ի էջում հրապարակված հայտարարության մեջ։
Հայտարարությունը ստորագրել են Հրայր Թովմասյանը, Ալվինա Գյուլումյանը, Ֆելիքս Թոխյանը, Արաիկ Թունյանը, Աշոտ Խաչատրյանը, Հրանտ Նազարյանը, Արևիկ Պետրոսյանը:
Հայտարարության ներքո չկա ՍԴ դատավորներ Արման Դիլանյանի և Վահե Գրիգորյանի ստորագրությունը: