2 րոպեի ընթերցում
ԵՐԵՎԱՆ, 18 ՀՈՒՆԻՍԻ, ԱՐՄԵՆՊՐԵՍ: Երեւանի քաղաքապետարանի եւ ՀՀ պարետատան քննարկումների արդյունքում որոշվել է հունիսի 22-ից ժամանակավորապես փակել համայնքային մանկապարտեզները։
«Արմենպրես»-ի հաղորդմամբ՝ այս մասին «Ֆեյսբուք»-ի իր էջում հայտնել է Երևանի քաղաքապետի մամուլի խոսնակ Հակոբ Կարապետյանը:
«Յուրաքանչյուր վարչական շրջանում կգործի միայն մեկ կամ երկու մանկապարտեզ, ուր կարող են հաճախել վարչական շրջանների մյուս բոլոր մանկապարտեզներ արդեն հաճախող երեխաները»,-գրել է Կարապետյանը:
Նա նաև ներկայացրել է վարչական շրջանների այն մանկապարտեզների ցանկը, որոնք կընդունեն երեխաներին.
Կենտրոն - թիվ 1
Արաբկիր - թիվ 25, թիվ 31
Աջափնյակ - թիվ 47, թիվ 50
Ավան - թիվ 52
Դավթաշեն - թիվ 60, թիվ 62
Էրեբունի - թիվ 64, թիվ 66
Մալաթիա-Սեբաստիա - թիվ 91, թիվ 96
Նոր Նորք - թիվ 100, թիվ 114
Նորք-Մարաշ - թիվ 122
Նուբարաշեն - թիվ 125
Շենգավիթ - թիվ 126, թիվ 139
Քանաքեռ-Զեյթուն - թիվ 162, թիվ 157:
Ծնողները կարող են դիմել իրենց մանկապարտեզների տնօրեններին՝ հայտնելով երեխային մանկապարտեզ տանելու իրենց մտադրության մասին։ Տնօրենները վարչական շրջանների աշխատակազմերի հանրակրթության բաժինների հետ կկազմակերպեն գործընթացը՝ երեխաներին բաշխելով ըստ մանկապարտեզների եւ խմբերի։
Հայաստանում կորոնավիրուսի իրավիճակով պայմանավորված գործում է արտակարգ դրության ռեժիմ: Հունիսի 18-ի ժամը 11:00-ի դրությամբ հաստատվել է կորոնավիրուսային հիվանդության ընդհանուր18 698դեպք, որոնցից7 560-ն` առողջացած: Կորոնավիրուսային հիվանդությամբ այս պահին փաստացի բուժում է ստանում10 728պացիենտ: Կատարվել է89 992թեստավորում: Ընդհանուր առմամբ, կորոնավիրուսային հիվանդությունից արձանագրվել է մահվան309դեպք: