Լատվիայում կորոնավիրուսով վարակվածների թիվը հասել է 1 071-ի
1 րոպեի ընթերցում
![Լատվիայում կորոնավիրուսով վարակվածների թիվը հասել է 1 071-ի](http://armenpress.am/resized/480/static/news/b/2020/06/1017121.jpg)
ԵՐԵՎԱՆ, 2 ՀՈՒՆԻՍԻ, ԱՐՄԵՆՊՐԵՍ։ Վերջին մեկ օրում Լատվիայում COVID-19 վարակի 5 նոր դեպք է գրանցվել, հայտնաբերված հիվանդների ընդհանուր թիվը հասել է 1071-ի։
Ինչպես հաղորդում է «Արմենպրես»-ը՝ վկայակոչելով «ՌԻԱ Նովոստի»-ն, այս մասին հայտնել է երկրի Հիվանդությունների վերահսկման և կանխարգելման կենտրոնի ներկայացուցիչը։
«Մեկ օրում գրանցվել է 5 նոր դեպք։ Ընդհանուր առմամբ երկրում վարակ է ախտորոշվել 1071 մարդու մոտ», - հայտնել է կենտրոնի ներկայացուցիչը։ Մեկ օրում անցկացվել է 1 681 թեստ։
Լատվիայում կորոնավիրուսի տարածման սկզբից իրականացվել է COVID-19-ի 111 404 թեստավորում, ապաքինվել է 760 մարդ:
Պատրաստեց Լիլիթ Դեմուրյանը