Լեհաստանում կորոնավիրուսով վարակվելու դեպքերի թիվը գերազանցել է 24 հազարը
1 րոպեի ընթերցում
![Լեհաստանում կորոնավիրուսով վարակվելու դեպքերի թիվը գերազանցել է 24 հազարը](http://armenpress.am/resized/480/static/news/b/2020/06/1017094.jpg)
ԵՐԵՎԱՆ, 2 ՀՈՒՆԻՍԻ, ԱՐՄԵՆՊՐԵՍ։ Լեհաստանում նոր տիպի կորոնավիրուսի դեպքերի թիվը մեկ օրում աճել է 107-ով, մահացել է ևս 7 մարդ։
Ինչպես տեղեկացնում է «Արմենպրես»-ը, վկայակոչելով «ՌԻԱ Նովոստի»-ն, այս մասին հայտնել է Լեհաստանի առողջապահության նախարարությունը։ Երկրում դեպքերի ընդհանուր թիվը հասել է 24271-ի։
Նշվում է, որ վարակի տարածման ամբողջ ընթացքում երկրի տարածքում մահացել է 1081 մարդ։
Վերջին տվյալների համաձայն ՝ Լեհաստանում կորոնավիրուսի հետ կապված հոսպիտալացվել է 2 219 մարդ, 78470 անձ մեկուսացվել է, ապաքինվել է 11726 վարակված։
Մարտից ի վեր Լեհաստանում գործում է համաճարակային ռեժիմ ՝ կապված կորոնավիրուսային վարակի տարածման հետ: