2 րոպեի ընթերցում
ԵՐԵՎԱՆ, 16 ՄԱՅԻՍԻ, ԱՐՄԵՆՊՐԵՍ: Բելառուսում նոր տիպի կորոնավիրուսով վարակվածների թիվը մեկ օրում ավելացել է 951-ով: Վարակակիրների ընդհանուր թիվը 28 681 է: Մահացել է ևս 4 հիվանդ: Ընդհանուր առմամբ մահացել է 160 մարդ: Ինչպես տեղեկացնում է «Արմենպրես»-ը, վկայակոչելով «ՌԻԱ Նովոստի»-ն, այս մասին հայտնել է Բելառուսի առողջապահության նախարարության մամուլի ծառայությունը:
Ըստ նրանց տվյալների՝ COVID-19-ով վարակվածների թիվը մայիսի 15-ին հասել էր 27 730-ի, մահացել էր 156 մարդ:
«Գրանցված 28 681 մարդու մոտ COVID-19-ի թեստը դրական է եղել: Կատարվել է 335 057 թեստավորում»,-ասվում է հաղորդագրությունում:
Բելառուսի առողջապահության նախարարության տվյալների համաձայն՝ երկրում կորոնավիրուսի տարածման ամբողջ ընթացքում մահացել է 160 մարդ, որոնք ունեցել են քրոնիկական հիվանդություններ:
Ըստ հաղորդագրության՝ մայիսի 16-ին Բելառուսում առողջացել և դուրս է գրվել 9 498 հիվանդ, որոնց մոտ ավելի վաղ կորոնավիրուս էր ախտորոշվել:
Առողջապահության համաշխարհային կազմակերպությունը մարտի 11-ին հայտնել էր նոր կորոնավիրուսային վարակի՝ COVID-19-ի բռնկման մասին: ԱՀԿ-ի վերջին տվյալներով աշխարհում արձանագրվել է վարակի ավելի քան 4,6 մլն դեպք, ավելի քան 309 հազար մարդ մահացել է վարակից:
Հայաստանում մայիսի16-ի,ժամը11:00-ի դրությամբ հաստատվել է կորոնավիրուսային հիվանդության ընդհանուր4283դեպք,որոնցից1791-ն`առողջացած: Կորոնավիրուսային հիվանդությամբ այս պահին փաստացի բուժում է ստանում2415պացիենտ:Ընդհանուր առմամբ,կատարվել է39 005թեստավորում:Այսպիսով`կա կորոնավիրուսային հիվանդությամբ հաստատված239նոր դեպք և125առողջացած։
Ընդհանուր առմամբ,կորոնավիրուսային հիվանդությունից արձանագրվել է մահվան55 (ավելացել է ևս3-ով)դեպք:
Պատրաստեց Անժելա Համբարձումյանը