1 րոպեի ընթերցում
ԵՐԵՎԱՆ, 30 ԱՊՐԻԼԻ, ԱՐՄԵՆՊՐԵՍ: Աստղիկ Սաֆարյանը որոշել է ուրախացնել իր երկրպագուներին և այս օրերին ներկայացրել է «Ինչու» երգի հիման վրա նկարահանված վառ գույներով հոլովակը:
«Արմենպրես»-ի հաղորդմամբ՝ երգի երաժշտության հեղինակը Աստղիկն է, խոսքերը գրել է Լաուրա Հովհաննիսյանը, գործիքավորումն իրականացրել է Արամ Ռիանը, իսկ տեսահոլովակի ռեժիսորը Վարուժան Գալտակյանն է:
Աստղիկ Սաֆարյանին հանրության լայն շրջանակը ճանաչեց «Հայ սուպերսթար 1» նախագծի միջոցով, որի շրջանակում երգչուհին օրիգինալ մեկնաբանություններով ներկայացրեց բազմաթիվ հանրահայտ ստեղծագործություններ, որոնցից շատ սիրվեց հատկապես «Օ, քամի, քամի» երգի կատարումը:
Երգչուհին այժմ բուռն գործունեություն է ծավալում Իսպանիայում, սակայն պարբերաբար վերադառնում է հայրենիք ու անակնկալներ մատուցում երաժշտասերներին:
Անժելա Համբարձումյան